အမှားများ (MISTAKES)

   လူတိုင်း အမှားနှင့် မကင်းကြပေ။ အမှားများသည် ကိစ္စတစ်ခုကို ကျွန်ုပ်တို့ ဘယ်လိုဆောင်ရွက်နေသည်ကို တိုင်းတာပြီး ပြန်လည် သတိပေးနေသကဲ့သို့ ရှိသည်။

   အမှားရှိမှ အမှန်ရှိပေမည်။ အမှားရှိမှ မှန်သောဘက်သို့ ဦးတည်နိုင်ပေမည်။ အောင်မြင်နေသူများသည် ရှုံးနှိမ့်နေသူများထက် ပို၍ အမှားများပြုလုပ်ခဲ့ကြသူများ ဖြစ်ကြသည်။ ထို့ကြောင့်သာ အမှန်များများ ပြုလုပ်လာနိုင်ကြပြီး အောင်မြင်လာကြခြင်း ဖြစ်သည်။

   ရှုံးနှိမ့်နေသူများ၏ အဓိကပြဿနာမှာ သူတို့၏အမှားများကို သင်ခန်းစာယူ၍ မှန်အောင် ပြုလုပ်ရန် မကြိုးစားကြခြင်းပင် ဖြစ်သည်။

   ကျွန်ုပ်တို့သည် အောင်မြင်မှုများကထက် ဆုံးရှုံးမှုများမှ သင်ခန်းစာများကို ပို၍ ရရှိလေ့လာနိုင်ပေသည်။ ကျွန်ုပ်တို့သည် မှားယွင်းဆုံးရှုံးမိသောအခါ ထိုဆုံးရှုံးမှု၏ အကြောင်းရင်းတို့ကို တွေ့အောင် ကြိုးစားရှာလာကြ၏။ တွေ့ရှိသောအခါ ထိုအမှားများကို မည်သို့မည်ပုံပြုပြင်ရမည်ကို စဉ်းစားကြံဆကြ၏။ ကောင်းမွန်မှန်ကန်အောင် လုပ်နိုင်မည့် နည်းလမ်းသစ်များကို ရှာဖွေလာကြသည်။ အစီအစဉ်သစ်များ ရေးဆွဲလာကြသည်။

   ကျွန်ုပ်တို့ အောင်မြင်မှု ရရှိလာသောအခါ သင်ခန်းစာ၊ လေ့လာမှတ်သားစရာတို့ကို မရရှိဘဲ အောင်မြင်မှု အထိမ်းအမှတ်ပွဲများ ကျင်းပခြင်းသာ အဖတ်တင်လေ့ရှိသည်။

   အမှားများနှင့် ပတ်သတ်၍ ပြောဆိုရလျှင် ကမ္ဘာကျော် တီထွင်မှု သိပ္ပံပညာရှင်ကြီး သောမတ်အက်ဒီဆင် အကြောင်းသည် မှတ်သားသင့်သည့် အကောင်းဆုံး ဥပမာတစ်ခု ဖြစ်သည်။ တစ်ခါက ပုဂ္ဂိုလ်ကြီးတစ်ဦးက သောမတ်အက်ဒီဆင်ကို အောက်ပါအတိုင်းမေးမြန်းခဲ့၏။

   "ဆရာကြီးအနေဖြင့် လျှပ်စစ်မီးလုံး ဖြစ်ပေါ်လာရန်အတွက် ကြိုးစားတီထွင်ခဲ့ရာတွင် မအောင်မြင်ခဲ့သော မီးလုံးများ ရှိခဲ့ကြောင်း သိရပါသည်။ ထိုသို့ မအောင်မြင်သောအခါ ဆရာကြီးအနေဖြင့် ဘယ်လို ခံစားရပါသလဲ"ဟု မေးမြန်းလေသည်။

ထိုအခါ အက်ဒီဆင်က ပြန်ပြောသည်မှာ……
 
   "ကျွန်ုပ်သည် မီးလုံးပြုလုပ်ရာတွင် တစ်ခါမှ မအောင်မြင်ခဲ့ခြင်း မရှိပါ။ သို့သော် ကျွန်ုပ်သည် လျှပ်စစ်မီးလုံးတစ်ခု ပြုလုပ်ရာတွင် မပြုလုပ်သင့်သော နည်းလမ်းထောင်ပေါင်းများစွာကို အောင်မြင်စွာ တွေ့ရှိခဲ့ပါသည်"ဟု ပြန်ပြောခဲ့လေသည်။

အက်ဒီဆင်သည် အမှားများနှင့် ပတ်သတ်၍ ထိုကဲ့သို့ ခံယူချက် ရှိခဲ့သဖြင့် သူနှင့်ခေတ်ပြိုင် အခြားသော တီထွင်မှု သိပ္ပံပညာရှင်များထက် သာလွန် အောင်မြင်စွာ တီထွင်မှုပေါင်းများစွာကို ပြုလုပ်နိုင်ခဲ့လေသည်။ သူသည် နှစ်ပေါင်း ၆၀-အတွင်း လျှပ်စစ်မီးလုံး၊ ဓာတ်စက်၊ တယ်လီဖုန်း၊ လက်နှိပ်စက်၊ လျှပ်စစ်မီးစက်နှင့် ရုပ်ရှင်ပြစက်တို့ အပါအဝင် တီထွင်မှုပေါင်း ၁၀၀၀-ကျော်ကို တီထွင်နိုင်ခဲ့လေသည်။

   အမှားများနှင့် ပတ်သတ်၍ပြောရလျှင် မပါမပြီးသူမှာ ကမ္ဘာကျော် ဒုံးပျံနှင့် အာကာသသိပ္ပံပညာရှင် ဝါနာဗွန်ဘရောန် (Werner Von Braun) ပင် ဖြစ်သည်။ သူသည် မှားယွင်းမှုကို "ပညာရပ်တစ်ခု လေ့လာတတ်မြောက်ရန် မရှိမဖြစ် လိုအပ်သည့်အရာ"ဟု လက်ခံထားသူ ဖြစ်သည်။
သူသည် ဒုတိယကမ္ဘာစစ်အတွင်းက ဂျာမန်တို့၏ နာမည်ကျော် V-2 ရော့ကတ်များကို တီထွင်ပေးခဲ့ရသူလည်း ဖြစ်သည်။ ထိုရော့ကတ်များကို ဂျာမန်တို့က လန်ဒန်မြို့ကို ဗုံးကြဲတိုက်ခိုက်ရန် ရည်ရွယ်ပြီး ပြုလုပ်ခိုင်းထားခြင်း ဖြစ်သည်။ သူသည် ထိုအချိန်အထိ V-2 ရော့ကတ် ဖြစ်ပေါ်လာရန် ကြိုးစားရာ၌ အကြိမ်ပေါင်း ၆၅၁၂၁-ကြိမ် မှားယွင်းခဲ့ပြီးဖြစ်သည်။ ထိုသို့ V-2 ရော့ကတ်များကို တီထွင်နေဆဲကာလတွင် တစ်ရက်၌ သူ၏ အထက်အရာရှိ ဂျာမန်ဗိုလ်ချုပ်ကြီးများက သူ့ကို ခေါ်ယူတွေ့ဆုံမေးမြန်းလေသည်။

   ဂျာမန်ဗိုလ်ချုပ်ကြီးများက သူ့အားခေါ်ပြီး "ခင်ဗျား ဒီရော့ကတ် အောင်မြင်စွာ ပစ်နိုင်ဖို့ နောက်ထပ် ဘယ်နှစ်ကြိမ် ထပ်မှားဦးမှာလဲ"ဟု ထေ့ငေါ့ပြီး မေးမြန်းလေတော့သည်။ ထိုအခါ သူက သေချာစဉ်းစားပြီးနောက် ပြန်ပြောသည်မှာ "နောက်ထပ် အကြိမ်ပေါင်း ၅၀၀၀-ခန့် ထပ်မှားနိုင်သေးကြောင်း၊ သို့သော် ခင်ဗျားတို့လိုချင်သည့် V-2 ရော့ကတ်ကိုတော့ သေချာရမည် ဖြစ်ကြောင်း၊ ဒုံးပျံရော့ကတ်တစ်ခုကို အောင်မြင်စွာတီထွင်နိုင်သည့် အရည်အချင်းရှိရန် ထိုသူသည် အနည်းဆုံး အကြိမ် ၆၅,၀၀၀-ခန့် မှားယွင်းပြုလုပ်ဖူးရန် လိုကြောင်း၊ ယခုအချိန်၌ ရုရှားပညာရှင်များသည် အကြိမ်ပေါင်း ၃၀,၀၀၀-ခန့် မှားယွင်း ပြုလုပ်ဖူးပြီး ဖြစ်မည်ဟု ယူဆကြောင်း၊ အမေရိကန်တို့မှာမူ အမှားတစ်ကြိမ်မှ မပြုလုပ်ရသေးဖူးဟု ယူဆကြောင်း၊ ထို့ကြောင့် အမေရိကန်များ ရော့ကတ် ပြုလုပ် အသုံးပြုလာမည်ကို စိုးရိမ်စရာ လုံးဝမရှိကြောင်း" စသည်ဖြင့် တည်တည်ကြည်ကြည် ပြန်လည် ရှင်းပြလေသည်။

   နောက်ဆုံးတွင် ဒုတိယကမ္ဘာစစ်၏ ကျန်ကာလ တစ်ဝက်ကျော်လုံးလုံး ဂျာမန်တို့သည် သူ၏ ရန်သူများကို V-2 ရော့ကတ်များဖြင့် ဗုံးမိုး ရွာနိုင်ခဲ့ပေသည်။ ထိုအချိန်က အခြားမည်သည့် နိုင်ငံတွင်မှ ထိုလက်နက်မျိုး မရှိသေးချေ။ ဒုတိယကမ္ဘာစစ်ပြီးသောအခါ သူသည် အမေရိကန်သို့ ပြောင်းရွှေ့ခိုလှုံပြီး အမေရိကန် အာကာသသိပ္ပံဌာနတွင် အလုပ်လုပ်ခဲ့သည်။ ၁၉၅၈-ခုနှစ်တွင် သူ၏ ဆောင်ရွက်မှုဖြင့် အမေရိကန်၏ ပထမဆုံး ဂြိုလ်တုကို လွှတ်တင်နိုင်ခဲ့လေသည်။

   ခရစ်စတိုဖာ ကိုလံဘတ်(စ်)သည် အိန္ဒိယသို့ အချိန်တိုအတွင်း သွားနိုင်မည့် ဖြတ်လမ်းကို ရှာဖွေရာမှ မှားယွင်းပြီး အမေရိကတိုက်ကို တွေ့ရှိခဲ့ပေသည်။

   ယခုလက်ရှိ နာမည်အကြီးဆုံးနှင့် အအောင်မြင်ဆုံး ကွန်ပျူတာ ကုမ္ပဏီကြီးဖြစ်သည့် IBM ကုမ္ပဏီကို စတင်တည်ထောင်သူ သောမတ်ဂျေဝတ်ဆင် (ThomasJ-Watson) က "အောင်မြင်မှု ရရှိရန် အကောင်းဆုံး နည်းလမ်းမှာ သင်၏ မှားယွင်းမှုများကို နှစ်ဆတိုး မှားယွင်းစေခြင်းပင် ဖြစ်သည်"ဟု ဆိုလေသည်။

   ထို့ကြောင့် ကျွန်ုပ်တို့သည် မှားယွင်းမှု၊ ဆုံးရှုံးမှုများနှင့် တွေ့ကြုံရပါက စိတ်မလျှော့သင့်ဘဲ ထိုအမှားများမှ သင်ခန်းစာယူပါ။ ထိုအမှားများကို အောင်မြင်မှု ရရှိအောင် ကြိုးပမ်းရာတွင် မပြုလုပ်သင့်သည့် နည်းလမ်းများအဖြစ် မှတ်ယူပါ။

   အမှားပြုလုပ်မိခြင်းသည် ရှက်စရာမဟုတ်ပေ။ ဘာမှ ကြိုးစားမလုပ်ဘဲနေခြင်းသည်သာ အမှားပြုလုပ်ခြင်းထက် ရှက်စရာကောင်းပေသည်။